هەموو ئەوەی تا ئێستا دەربارەی GTA 6 دەیزانین
کورتەیەک لە گرنگترین زانیارییەکانی GTA 6، لە بەرواری دەرچوون و پلاتفۆرمەکانەوە تا شوێن و کاراکتەرەکان.
یاریی GTA 6 کە لەلایەن Rockstar Games دروست دەکرێت و کۆمپانیای Take-Two بڵاوی دەکاتەوە، بەرواری دەرچوونی بۆ 19ی تشرینی دووەمی 2026 ڕاگەیەندراوە. ئەمە یەکێکە لە چاوەڕوانکراوترین یارییەکانی ئەم سالانە.
دەرچوونی یارییەکە پێشتر دوو جار دواخراوە. یەکەم جار لە پاییزی 2025 بۆ ئایاری 2026 دواخرا، دواتر بۆ تشرینی دووەمی 2026. یارییەکە تەنها بۆ PS5 و Xbox Series X|S دێت و هێشتا هیچ ڕاگەیاندنێک بۆ وەشانی PC نەکراوە.
ڕووداوەکانی یارییەکە لە شاری Vice City و ویلایەتی ئەفسانەیی Leonida ڕوودەدەن، کە ئیلهامی لە Florida وەرگرتووە. دوو کاراکتەری سەرەکیی یارییەکەش Lucia و Jason ن.
تڕەیلەری یەکەمی یارییەکە لە 24 کاتژمێردا زیاتر لە 90 ملیۆن بینەری کۆکردەوە. گرافیک و وردەکارییەکانی ناو تڕەیلەرەکانیش وەک یەکێک لە باشترین ئاستەکانی ئەم نەوەیە باس دەکرێن.
یەکێک لە هۆکارەکانی بەرزیی چاوەڕوانییەکان سەرکەوتنی بەشی پێشووە. فرۆشی GTA 5 نزیکەی 235 ملیۆن دانەی تێپەڕاندووە، بۆیە چاوەڕوانییەکان لە بەشی نوێ زۆر بەرزن.